বাঢ়ি যায় মনৰ পৰিধি

বেলি ভটিয়াই
গুমৰি উঠি প্ৰৱাহ বাগৰিল এন্ধাৰৰ
নিস্তব্ধ নিশা গতিশীল সময় আগুয়াই
প্ৰাণত বাজিল অবচেনত মনৰ  জাগ্ৰত চেতনা
আকুল মোৰ মন
অপেক্ষা এটি ন সূৰুযৰ
পূৱত বিৰিঙিল পুৱাৰ প্ৰতিভা
সৃষ্টিশীল সমন্বয়
মোৰ অন্তৰৰ দাপোণত
কেতেকী-কণ্ঠৰ ভাগি ভাগি  অহা  শব্দত
বাঢ়ি যায় মনৰ পৰিধি
নিশাৰ নিৰ্লিপ্ততা-বিজৰিত
শ্বাস-ধ্বনিৰ ঢৌৱে
পুষ্ট কৰে প্ৰভাতৰ ফেঁহুজালি