মনৰ অশান্ত ঢৌৰবোৰ

কিয় জানো মনৰ অশান্ত ঢৌৰবোৰ

দুৰন্ত গতিৰে ধাবমান হৈ

কম্পিত হৃদয়ত উল্লাসত উপচি পৰে

চিকিমিকি যেন হিয়াত বাজি উঠা

এই মায়াই কি জানো বিচাৰে

আৱেগৰ ধলত

উদং ৰাতিৰ স্বপ্নবোৰে

আকাশী লতাৰ দৰে মেৰিয়াই ধৰি

আন্ধাৰত মনটোক লৈ

কিয় জানো চলনা কৰে

আউল লগা অনুভৱৰবোৰে

লুইতৰ সহস্ৰ সোঁতত কল্লোলিত সুৰেৰে

ফেনিল উত্তাল হৈ হৃদয় কাঢ়ি নিয়ে

বিচিত্ৰ সন্মিলিত সোঁতৰ চেৱে চেৱে