লক্ষভ্ৰস্ত যাত্ৰাৰ এনে সময়বোৰত

বাট হেৰুয়াই
উমি উমি বুকুত জ্বলা
এটি অচিনাকি ঢৌৱে
সৰ্পিল গতিৰে
শৰীৰৰ আহে আহে
সৃষ্টি কৰে ভয়

কলিজাটো বুকুত সাৱতি
ব্যাকুল মন
নিৰৱ হৈ থাকে

লক্ষভ্ৰস্ত যাত্ৰাৰ এনে সময়বোৰত
মনত বয়
ৰহস্যময় অনিশ্চিত ধাৰা

অস্থিৰ মনৰ ভাজে ভাজে
অনুভৱ কৰো
এটি অচিনাকি গুণগুণনিৰ
জয়াল জয়াল লগা
চঞ্চল ঢৌৰ কঁপনি

মোৰ চৌকাষে চলি থকা
এন্ধাৰ ক’লা ছাঁয়াৰ
বিচিত্ৰ খেলাত
নিথৰ হৈ ৰও ক্ষন গনি