সপোনৰ চাকনৈয়াত সুখ হেৰুৱা দুখ

চকু বন্ধ কৰি এটা দীঘল উশাহ ললো
একমুহুর্তৰ কাৰনে মনৰ ভাবনাক
বুকুৰ ভিতৰত আবদ্ধ কৰি
ভাবিবলৈ চেষ্টা কৰিলো
শাওন-ভাদৰ বাৰিষাত মেটেকাও ফুলিল
বিধিৰ বিধান কোনে খন্দাব
আহিন পাবৰে হল
শইচৰ সপোনে পাহি নেমেলিলে
পথাৰখনত চন পৰিল
আকাশত মেঘবোৰে চেৰাপুঞ্জী হৈ
ফেপেৰি পাতিছে
সপোনৰ চাকনৈয়াত সুখ হেৰুৱা দুখ
আহিনৰ বিষন্ন ওঁঠত
জীৱনৰ অভিনৱ কোচকাৱাজ চলিছে বুকুত
দীঘল বন্ধ উশাহ এৰি দিলো
বিষাক্ত সপোন দুৰলৈ যা