মোৰ সপোনৰ কাঞ্চনজংঘা
ৰৈ আছো মই সূৰ্য্যোদয়ৰ আশা
ৰ’দালিৰ ৰিহাৰ আঁচল আহিব বতাহত উৰি
সন্মূখত কাঞ্চনজংঘাৰ সুবিশাল জিলমিল ৰূপৰেখা
বৈ আহিব একাবেকা ৰেখাৰে
নিৰৱতা ভাঙি স্বচ্ছ নিজৰা
এটা নতুন দিনৰ সূৰ্য্যোদয়ে লৈ আহিব
যৌৱনৰ দুৰন্ত গতি
সন্মূখত সুবিশাল কাঞ্চনজংঘা
সূৰুযক আৱাহন কৰাৰ আশাৰে ৰৈ আছো
কাঞ্চনজংঘাৰ বিশালতাৰ অনুপ্ৰেৰণা লৈ
মোৰ সৃষ্টি, মোৰ সাহসিতাৰ প্ৰতিক কাঞ্চনজংঘা
আকাশ বিয়পাই বগাই আহিব সূৰুয
সেই কাঞ্চনজংঘাক সুপ্ৰতিষ্ঠিত কৰি
ৰৈ আছো মই সূৰ্য্যোদয়ৰ আশা
সন্মূখত সুবিশাল কাঞ্চনজংঘা