ঠিকনা হেৰুৱাৰ সময়

এনেকৈয়ে আহে এজাক বৰষুন
দীর্ঘ বিৰতিৰ অন্তত
সৰাপাতৰ সতে লুকাচুৰি খেলি

আকলুৱা মন , এটি ভাৱ
সংগোপনে  সোমাই আহি
ঠিকনা হেৰুৱাই
ৰৈ আছেহি পদূলিত

শিমলুৰ ৰঙা ৰঙে
লৈ আহে ফাগুন
লৈ আহে মোৰ বাবে
উদভ্ৰান্ত হৈ পৰাৰ আবেগ

ৰঙা ৰঙা ফুলবোৰত
মই বিচাৰি পাওঁ হঠাতে
কলিজাত গুনগুনাই থকা
আন এটা নাম  প্ৰেম

মোৰো তেনে অভিজ্ঞতা নোহোৱা নহয়
পৰিতৃপ্তিৰ স্মৰণীয় মুহূৰ্ত এটিৰ
উমান পাইছিলো

হূদয়ৰ দৃষ্টিভংগীয়ে অন্য ৰূপ ল’লে
হাঁহি হাঁহি ইংগিত দিলে
ঠিকনা হেৰুৱাৰ সময়
এই ফাগুনত