হঠাৎ বজ্ৰ নিনাদৰ হুংকাৰত
আকাশ ভাগি পৰিল
নীলাভ ৰঙীণ আকাশ
হালধীয়া পাতৰ দৰে সৰি পৰি
বতাহত উৰি ফুৰে
প্ৰেতাত্মাৰ দৰে মায়াৱী ৰূপলৈ
আন্ধাৰৰ ছায়াত গ'ল হেৰাই
দিগন্ততৰ সীমা জানো
ক'ত হেৰাল
অশৰীৰি অনুভৱ
অন্তৰত উগুল থুগুল ভাব
এটি খেলি মেলি বতাহত
কঁপে হৃদয় আন্ধাৰৰ ছায়াত
অগ্নি পুত্ৰ ময়
আলোক যাত্ৰী
সৃষ্টিৰ নৱতম ৰূপ
কাল ৰাত্ৰিক বিনাশ কৰি
শূন্যতাক বুকুৰ সূৰুযেৰে উজলাই
শুভ্ৰ জ্যোতি স্থিৰ কৰি
অনাগত ভৱিষ্যতৰ
নীল আকাশ স্থাপিত কৰি
নিঃশব্দ আৰম্ভনি
কৰো এটি নতুন দিনৰ