জীৱন

অলস মন্থৰ দেহত
পৰেহি এচেৰেঙা পলৰীয়া ৰ’দ
আমি নাঙলৰ শিৰলুত ধৰি সপোন খেদো
চকুত জিলিকে নতুন পামৰ ভৱিষ্যত
তাতো আছে  অসংখ্য বাধা
কলঙ কপিলীৰ পাৰত গঢ়া সপোন
বাঢ়নীপানীয়ে কেতিয়াবা উটোৱাই নিয়ে
তেতিয়া আলিৰ কাণত বহি  হুমুনিয়া কাঢ়ো
সন্মুখত পৰি ৰয় এখনি মৃত পথাৰ
অশান্ত হয় উদ্বাউল প্ৰাণ
প্ৰতি উশাহত বুকুৰ ৰঙীন ঢৌবোৰে খেলা কৰে
দিনৰ শেষত নিশাৰ আন্ধাৰত
জেকা দুচকুৰে আকাশলৈ চাই চাই
গণনা কৰো ভাগ্যৰ লিখন