ৰঙবিহীন চিকুণ পথ











তৰপা তৰপকৈ চেঁচা হৈ জমি যোৱা
সময়ৰ সাঁচটিয়া প্ৰতীক্ষাৰ ক্ষণবোৰত

জীৱন লক্ষৰ আচনিৰ গতি বিধি
ওখোৰা মুখোৰা পথত উজুতি খাই
লক্ষভ্ৰস্ত হৈ থমকি ৰৈ যায়

তিতা মিঠাৰ সংমিশ্ৰণত 
এই যাত্ৰাৰ আহৰিত অভিজ্ঞতা
হৈ পৰে বুকুভৰা অনুভূতিৰ ফচল

সুখ দুখৰ লগৰীয়া নিজম পৰত
ধ্বনিহীন এই প্ৰতিচ্ছবিবোৰে 
জাগ্ৰত পোহৰৰ সহচৰ ৰশ্মিৰ দৰে
সান্ত্বনা দিবলৈ উঠি পৰি লাগে

যাত্ৰাৰ চিকুণ পথবোৰত
আহৰিত অভিজ্ঞতা, অনুভৱত
সময়বোৰ হৈ পৰে স্বাদহীন নিৰস

মনত বয় কৌতূহলৰ 
খৰস্ৰতা পাহাৰীয়া নিজৰাৰ
ৰহস্যময় অনিশ্চিত ধাৰা

ৰঙবিহীন চিকুণ পথৰ 
এই অনুভূতিয়ে লৈ আহে
যাত্ৰাৰ আনন্দৰ গতিত ইতি