ভাৱ শিখাৰ ঢৌ











ভালপোৱা আৰু আবেগৰ
মমতা বিগলিত হৃদয়ত  

ত্বৰিৎ গতিত জ্বলি উঠে
খলকনি তোলা ভাৱ শিখাৰ ঢৌ 

অস্থিৰ মনৰ ভাজে ভাজে
অনুভৱ কৰো হয় এই স্পৰ্শৰ

উম সনা সুৱাসৰ পৰশত
অনুভৱ অশান্ত অবুজ মায়া

এটি অচিনাকি গুণগুণনিৰ
খলকনিত মন হৈ পৰে অস্থিৰ 

অজান বিচ্ছুৰিত উপলব্ধিবোৰ
দৌৰি ফুৰে সিৰা উপসিৰা বগাই

সংবেদনশীল চেতনাৰ সংকেত ধ্বনিত
ইন্দ্ৰিয়ত প্ৰতিফলন সুৰ তৰঙ্গৰ

প্ৰকাশৰ বাট বিছাৰি বিছাৰি
আস্ফালিত হয় অভিব্যক্তিত