মেঘ আৰু বৰষুণ মিলি
ধুমুহা বতাহৰ লগ লাগি
আজি এই ভয়াল ৰাতি
কৰিছে সৃষ্টি তাণ্ডৱৰ
নৈৰ পাৰত বহি
ৰৈ আছো ময় নিৰলে
তুমি অহা ঘাটলৈ চায়
আশাৰে অকলে নিৰৱে
ভাবি ভয় লাগে
নৈৰ কোবাল ঢৌ দেখি
ফেনে-ফোটোকাৰে ভৰা
নৈৰ মাজত তুমি থাকা অকলে
লুইতৰ বুকুয়েদি বৈছে বান
ক্ৰুদ্ধ মূৰ্তি ধৰি ফেনে-ফোটোকাৰে
থাকা তুমি অকলে অকলে
এন্ধাৰৰ মাজে মাজে বঠা বাই
জাক জাক কহুৱা বিৰিণা
খহি পৰে পাৰ ভাঙি
লুইতৰ ঢৌৱে আহি
যেতিয়া পাৰ ভাঙে খুন্দিয়াই
হিয়া ভাঙি নিগৰি আহে
দুখৰ চকুলো নিৰৱে
কহুৱা বিৰিণাৰ হিয়া ভঙা
কাতৰ বিননি শুনি
প্ৰতিদিনে পূৱাবেলা যোৱা তুমি
বঠা বাই লুইতৰ বুকুয়েদি
থাকো ময় কলিজাটো বুকুত সাৱতি
তুমি অহা ঘাটলৈ চায় চায়