শব্দৰ তন্ময়তা ভাঙি
সৰি পৰে স্বপ্নৰ পাপৰি
ৰ'দালিৰ ভাঁজে ভাঁজে
ছায়াৰ দৰে কিয় জাগে
সপোনৰ কৌতূহল
মোৰ অনুভৱত কিয় জ্বলে
প্ৰেমৰ গুণগুণ
উখল মাখল আকাশত
মেঘৰ আৰে আৰে
চলিছে লুকা-ভাকু খেলা
কঁহুৱা কোমল
এক অপাৰ বিস্ময়
মোৰ বুকুৰ ভিতৰে-বাহিৰে
দেখিছো মই
তোমাৰ মুখৰ সোণালী হাঁহি
এটি ঘনিষ্ঠ উত্তাপ
বৈ আহে এই অনুভৱত
চলিছে উত্সৱ
মোৰ দুখ, মোৰ আনন্দৰ
উখল মাখল আকাশত
বৈ যোৱা অপাৰ বিস্ময়ত
গলি উৰি যায়
মোৰ দুখ, মোৰ আনন্দ