মৃদু মলয়াৰ পৰশত
মনে মনে মিঠা মিঠা ভাৱ এটি
বৈ যায় সুৰ তুলি
লুইত পৰীয়া মই
মন মোৰ পানী যুৱলিত গাঁথা
বিৰিণাৰ পাতত ঢৌ খেলোৱা
মিঠা বতাহ চাটিয়ে
মোৰো মনত তুলে ঢৌ
গীতৰ লহৰ তুলি
হিয়াৰ কোনে কোনে
মিঠা মিঠা বোল সানি
মিঠা বতাহ চাটিয়ে
কাণে কাণে কৈ যায়
আহা তুমি শৰীৰৰ মায়া এৰি
পাহাৰ ভৈয়াম গছ লতা
ফুল ভূমোৰা মিঠা মৌ
পখিলাৰ লগে লগে
আকাশ বতাহ বিয়পি মিলি যাওঁ
নীলিম আকাশৰ গভিৰতাত
শুকুলা ডাৱৰৰ টুকুৰা হৈ