উদুলি মুদুলি আকুল হৃদয়












মেঘালিৰ বুকুত ঢৌ খেলি
চিকমিকনি উঠে ডাৱৰত

বন্দনাৰে মুখৰিত 
আকাশৰ নীলা প্ৰেৰণাত 
পৃথিবীৰ বুকুলৈ নামি আহে
ধাৰাষাৰ বৰষুণ 

নাচি উঠে মন 
স্বপ্নৰ মায়া জাল ৰচি
সিঁচি দিয়ে বুকুত 
আনন্দৰ ঢৌ 

উখল মাখল হৃদয়ত 
অহৰহ বাজে
এক বোজাব নোৱাৰা গুণগুণনী

জীয়াই থকাৰ
এক উৰ্দ্ধগামী শিখাই
বুকুত জোৱাৰ আনি
আলোৰন কৰে
অস্থিৰ হৈ পৰে মন

উদুলি মুদুলি আকুল হৃদয় 
নিসংগতাৰ ফাকে ফাকে 
এখুজি দুখুজিকৈ উজাই