এটা চাঞ্চল্যৰ মৃদু স্পন্দন













আজি থমকি ৰ'লো হঠাতে
মই অনুভৱ কৰিছিলো 
এটা চাঞ্চল্যৰ মৃদু স্পন্দনে
চুচুক চামাককৈ আহি 
মনত কঁপনি তুলিছে

মন প্ৰভাৱিত কৰি
নামি আহিছিল এজাক অবতৰীয়া বৰষুণ
এনে জটিল মুহূৰ্তবোৰত
অন্তৰৰ পৰা বৈ অহা অনুভূতিবোৰে
মোৰ মনটোক লৈ চলনা কৰে

মনত জাগি উঠা দোমোজাত
ব্জীৱনৰ কঠিন  বাটৰ 
সংঘাটৰ চাকনৈয়াবোৰে
মোৰ তপত নিশ্বাসত কঁপনি তুলে

অতীতৰ স্মৰণ আৰু ভৱিষ্যতৰ শংকাই
অৱচেতন মনত
মাজে মাজে পাক-ঘূৰনি খাই

আকাশৰ গভীৰতালৈ চাই
ব্জীৱনৰ সংঘাটৰ কিছু অনুভৱ
বুটলি লৈ বিচাৰোঁ 
কিছু আনন্দ আৰু কিছু বিষাদ

অলপ অভিমান আৰু কিছু আৱেগ
সংমিলিত হয় এটি বিন্দুত
হৃদয়ৰ স্তৰে স্তৰে  বাজি উঠে
নতুনকৈ জী উঠাৰ আশা