ইতিহাস

সৃষ্টিৰ চেতনা  আদিম মানৱৰ
স্তৰে স্তৰে গঢ়ি উঠা সভ্যতা,
জাগৰণ আহে আদিম বন্যতাত
গঢ়ি উঠে সমাজ ।

সেউজীয়া সপোনৰ উত্তাল তৰঙ্গ
শ্ৰমজীৱী মানবৰ তেজ ৰঙা ইতিহাস
সেউজীয়া পথাৰত
সোনালী সোণগুটি লাগে ।

আৰ্ত্তনাদ আজি মানৱৰ
বৈ যায় শীতল পৰশ বতাহৰ
কৰুণ আৰ্ত্তনাদ পৃথিৱীৰ
বাজি উঠে সংগীত কৰুণ মৃত্যুৰ ।

নীলিম আকাশ আৰু দূৰ দিগন্ত
শূন্যৰ কোলাত উঠা নমা কৰে ।

পৃথিৱীৰ মানুহৰ বিকৃত বাস্তৱৰ
বিদ্ৰোহ, নিৰ্দ্দয়তা, আৰু তীব্ৰ ক্ষুধাত
ভৱিষ্যতৰ সমাজ উপঙি ফুৰে
অন্ধকাৰৰ ছায়াত