আশ্চৰ্য মই
কোনোমতে হালি জালি
লাখুটিডালত খোপনি পুতি
আহিছো এখুজি দুখুজি কৰি
ইপিনে সিপিনে চাই
গধূলিৰ স্বপ্নালু চহৰ
দীপ্ত জিলমিল সোণালী আভাৰে
গানৰ প্ৰতিধ্বনি তাত সকলোতে
বিলাতী ৰূপহীৰ ৰূপত
আৰু
ৰমক্ জমক বেশত
চকু জাল মাৰি ধৰে
সাগৰহেন ঢৌৰ খলক লগাই
কঁপাই তুলিছে চৌপাশ
হুলস্থুল হাঁহিৰ কল্লোল
দেখো উন্নতিৰ নতুন সোঁত
টনা-টনি
ঠেলা-ঠেলি
ইননি-বিননি
টঙনা-টঙনি
আৰু
জিল মিলাই থকা ভেমৰ ধোৱা
গধূলিৰ স্বপ্নালু চহৰ
ৰাইজৰ ধনেৰে জোলোঙা ভৰাই
কৰে হনিমুন্ এনজয়