অনিচ্ছয়তাৰ দিশত

সজীৱ উমাল
সেউজী ধৰণীৰ বুকুত
জী উঠে হেজাৰ আশা
জিলিকি উঠে সোণালী ৰশ্মিৰে

অতীত, বৰ্তমান আৰু ভবিষ্যত
চকুত ভাঁহি উঠিল লাহে লাহে

নিশ্বাসত কঁপে সৰ্বশৰীৰ
খলা-বমা পথৰ ছায়া-প্ৰচ্ছায়াত
দিশহাৰা হৈ
সোমাই গৈ আছো
অনিচ্ছয়তাৰ দিশত

সমাগত দিনবোৰৰ কথা ভাবি
সৃষ্টি হয় হৃদয়ত প্ৰহেলিকাৰ
তৰোৱালৰ চিকমিকনি আৰু
ঝংকাৰিত সংঘৰ্ষৰ বিজুলীত
সৃষ্টি হয় ত্ৰাস

কোমল কলিজা বিদাৰি
অন্ধকাৰ নিজান ৰাতি
নিঠৰ হৈ গলি গলি পৰিছে
শিহৰিত শৰীৰত
বুকুভেদি যোৱা কৰূণ সুৰ