তোমাৰ কিহৰ দুখ

অমাবস্যাৰ ৰাতি আকাশলৈ চাই আছিলো
তৰা এটিয়ে চকু টিপিয়াই
কি কলে জানা
বিষাদভৰা চকুৰে তেনেকৈ মোলৈ নাচাবা
শত যোজন ধৰি মই ইয়াত অকলে আছো
আৰু শত যোজন ধৰি ইয়াতেই থাকিম
যদিও অকলশৰীয়া
মোৰ মনত কোনো দুখ নাই
তোমাৰ ইমান দুখ কিয়
তোমাৰ লগৰীয়া আছে শ-হাজাৰ
তোমাৰ জন্ম, লৰালিকাল দেখিছো মই
তেতিয়াটো তুমি দুখি নাছিলা
তোমাৰ কিহৰ দুখ
কি উত্তৰ দিম মই ভাবি নাপালো
মনৰ ভিতৰখন আউল লাগি গ'ল
মাথো আকাশলৈ চাই থাকিলো
তৰাটিয়ে মোলৈ চাই চকু টিপিয়াই থাকিল