মুখত এটি মধুৰ হাঁহি
বুকু উতলা কৰা
মৃদু সুৰে বয় প্ৰীতিৰ নিজৰা
বাউলি ফাগুনী ৰঙতে ৰঙীলি
নাচনিৰ হাতত জেতুকাৰ বোল
বিহুৰ ঢোল বাজে
শিপিনী গাভৰুৰ
ভমকা ফুলিয়া চাদৰ
বতাহত কঁপে
বাজিছে বিহুৰ ঢোল
উদুলি মুদুলি নাচনীৰ মন
আকাশত নামে বিজুলী
ৰ’দে হাঁহে ফুলে ফুলে
মেঘালিৰ চুলিত ধৌ খেলি
সোনাৰুৰ পাঁহিৰ সজল চাৱনিত
সেন্দুৰিয়া ওঠত উঠে কঁপনি
বুকুত সপোন জাগে
দুচকু মেলি চাই ৰয়
শেৱালি সৰা পদুলি
এখোজ দুখোজ কৰি
আগ বাঢ়ে মন
মনত মিঠা সপোনৰ সুৰ
কোনে জানো মেলা পাতে
হিয়াত শিহৰণ তুলি
বতাহে আচলত ৰৈ নাচে