তোমাৰ সান্নিধ্যৰ আশাত
মনৰ স্তৰে স্তৰে বলে চেতনাৰ বিদ্যুৎ
মোৰ অনুভূতিক বুকুত সাৱতি
অনুভৱ এক অজানিত আনন্দবোধ
সেউজীয়া পথাৰৰ কুঁৱলীৰ আৰত
ঢল বৈছে নিৰ্জনতাৰ ছাঁয়াত
কৌতূহল বুকুত আশ্চৰ্য নিৰ্মাণ
হেঁপাহৰ ৰঙীন উত্তাপ
উপস্থিত বিপুল সম্ভাৰ লৈ
আবিস্কাৰৰ আশা যাদুকৰী অনুভূতি
মনৰ স্বাভাৱিক ৰং এৰি
বাৰিষাৰ বতাহ যেন
তোমাৰ সান্নিধ্যৰ স্বপ্নত
বুকুত ধুমুহাৰ কোলাহল
পিছল সাঁকো বগাই
তেজত বয় উংসৱৰ উল্লাস
তামস আকাশৰ স্তব্ধতা ভাঙি
মূৰ্ত হয় প্ৰেম গীতত