পাৰ হৈছিল বছৰবোৰ
সলনি হৈছিল সময়
নতুন ৰূপত জকমককৈ
ফুলিছিল এজাৰ ফুলবোৰো
কথাবোৰ ভাবি ভাবি অবাক দৃষ্টিৰে চালো
চোতালৰ আম জোপাৰ কুলিজনীলৈ
কুলিৰ অমিয়া মাতে
বসন্ত অহাৰ জাননী দিলে
বুকুৰ মাজলৈ জুমি চালো
অন্তৰত থকা পাহাৰখনি দেখি
এনে লাগিল
এন্ধাৰে ধাকি ৰাখিছে সকলো
মনটো খেলিমেলি লাগিছিল
চকুলো মচি মচি
মৌন হৈ সহ্য কৰিছিলো
মনৰ মাজতে ফুলি ৰৈছিল
বেজাৰৰ ফুলনিখন
পাৰ কৰিছিলো গধূলিবোৰ
নঙলা মুখলৈ চাই
অপেক্ষাত আছিলো
আকৌ মনৰ ফুলনিখনিত
এজাৰ ফুলাৰ আশাৰে