কিয় এই ৰঙীন ৰং ফাগুণৰ










সপোন এটিৰ মুখামুখি হৈ ৰ’লো
ফুলে ফুলে দুলি আছে ভোমোৰা

সুৰেৰে সুৰত গথা 
এটি অনুভৱৰ শিহৰণে
বুকুত কঁপনি তুলে

মাজে মাজে শুনো হাইউৰুমি
পদূলিৰ মদাৰ জোপাত

মনত ভাৱত ঢৌ খেলে 
কিয় এই ৰঙীন ৰং ফাগুণৰ

কৃষ্ণচূড়ার ৰঙে আৱৰে
আকাশৰ ৰঙীন হাঁহি 

নিশা ফুলা ৰজনীগন্ধাৰ সুৱাসত 
মন হেৰাই ভটীয়নী সোঁতত

নিছিগা তানৰ সুৰ এটি
বৈ য়ায় হিয়াৰ কাষেদি

পুৱাৰ সূৰুযৰ প্ৰথম আভাত
মুখত ফুতি উঠে
গুপুতে সাঁচি ৰখা সপোন

থমকি থমকি যৌৱনৰ উচ্চল সুৱাসে
ৰঙীন পখিলা দৰে 
বতাহত মতলীয়া হৈ উৰে

সুৰৰে লগৰী হৃদয়ৰ সুৰভি
হৈ পৰে সোঁৱৰণীৰ মধুৰ স্মৃতি