ফাগুনৰ সন্ধিয়া

আঁজুৰি আঁজুৰি খহাও
শিৰাই শিৰাই ওলমি থকা 
কামনা বাসনাৰ থোপাবোৰ

হিয়াৰ চুকে কোণে
সযতনে সাৱতি ৰখা অনুভূতিয়ে 
তোপ দিয়ে লালসাৰ

অস্থিৰতাৰ চাকনৈয়াত পৰি
মনে হাহাকাৰ কৰে 
তোলপাৰ লাগে হৃদয়ত

আত্মতৃপ্তিৰ অভিনৱ মাদকতাই
নিৰৱে সোঁত সলাই 
বুকুত বাগৰে নি:শদে

ছন্দ বিহীন সুৰ এটা
কঁপি কঁপি ছায়াৰ দৰে
হিয়াত অহা-যোৱা কৰে 

ফাগুনৰ সন্ধিয়া
হৃদয়ত ঢৌ তুলি
আৰম্ভ হয় ঢিমিকি জ্বলা গান