আইতাৰ মুখৰ সাধু কথা

গুপুতে কৰা আমাৰ আলিংনৰ খেলা

যদি সমাজে নেজানে

তাৰ জানো কিবা স্বীকৃতি আছে

ব’লা আমি জনাওঁ সকলোকে

আমাৰ মৰমৰ কথা

মৰমৰ জানো সীমা থাকে

হব পাৰে ই সমাজৰ চকুত

এটি অশালিনতা

কিন্তু কিমানদিন লুকুৱাই ৰাখিবা

আমাৰ প্রেমৰ কথা

দূৰণিত শুনো এক গুনগুননী

কোনোবাই হয়তো কৈছে

আমাৰেই কথা

ই এটি মাথো শব্দৰ ফুচ-ফুচনি

সৰৱ ব্যঞ্জনাৰ প্রতিক্ষা কৰি

অপেক্ষা কৰাটো জানো উচিত হব

আমাৰ অব্যক্ত প্রেমৰ কাহিনীবোৰ

এদিন হৈ পৰিব 
আইতাৰ মুখৰ সাধু কথা ।।