এটি প্ৰতিবিম্ব,
জীয়াই
ৰাখিছো মই
সপোন বৃত্তৰ ভিতৰত এটা আবেগ
এটি অনুভৱৰ মাজত সময় সীমাৰ অনুভৱ নাছিল
মই
অপেক্ষা কৰিছিলো
বিগলিত মমতাৰ এটা সুতীব্ৰ আবেগ
সৰো সৰোকৈ থকা চকুপানীত
সংবেদনশীল হৃদয়ৰ নি:সঙ্গতা
সুৰব ব্যঞ্জনা অনুৰক্ত হৃদয়ত
গতিশীল ভাৱনাৰ মায়াজাল
শব্দহীন হুমুনিয়াহ
থমকি ৰ’ল অতীত
এটি গধুৰ যন্ত্ৰনাৰ ভাবলেশহীন আবেগত
এটি বিষাদৰ হিমচেচা শীতলতাত
সপোন এটাই উচূপি উঠিছে
উজাগৰি ৰাতিৰ নিসংগতাত
অনুভূতিৰ ভাষা বিষাদৰ
স্মৃতিৰ অবুজ বিষাদ
বেদনাৰ নিসংগ ডাৱৰত
এটি
মাথো আশ্ৰয়ৰ আবেদন
যত্নতে সাঁছি
ৰাখিছো মোৰ সোঁৱৰণীত
এটি প্ৰতিবিম্ব সপোন বৃত্তৰ ভিতৰত