সেউজীয়া পথাৰৰ প্ৰাণ

মাটিৰ উবৰ্ৰতাত প্ৰতিখন হাতৰ পৰশত
বিস্তৃত ভাস্কয্যৰ্ৰ নিৰ্মাণ
নৈ:শব্দত প্ৰগাঢ় সুৰৰ ধ্বনি
তোমালোকৰ বন্ধ মুখৰ সংলাপ
শাওনৰ মেঘ মুক্ত নীলাকাশ
সূৰ্য্যস্নাত বিশাল পথাৰত বিপুলসম্ভাৰ
নাঙলৰ সিৰলুত সোণফলা মাটিৰ কামনা
ঘৰ্মাক্ত দেহৰ সৃষ্টি
সেউজীয়া পৃথিৱী আমাৰ
মোহময় জীৱন-মালিকা
মানুহৰ সংগ্ৰামৰ ইতিহাস
কৃষকৰ সাধনাৰ ফল
ক্লান্ত, শ্ৰান্ত সন্ধিয়াত
সোঁতৰ চেৱে চেৱে বাঢ়ে আৰু হাঁহে
প্রাণ স্পৰ্শৰ উত্তাল তৰঙ্গ
বুকুৰ সেউজীয়া সপোন
বিচিত্ৰ সন্মিলিত কৃষকৰ সমস্বৰ কন্ঠ
যুগৰ অভিযাত্ৰী শ্ৰমিক কৃষক
সেউজীয়া পথাৰৰ প্ৰাণ